Жүн-Ан их сургуулийн эмнэлгийн яаралтай тусламжийн тасаг нь хурц шинж тэмдгээр илэрсэн болон гамшгийн үед яаралтай тусламж үзүүлэх нарийн мэргэжлийн тасаг бөгөөд өвчтний биеийн байдлыг хүнд, хөнгөнөөр ялган зохих эмчилгээг үр дүнтэй хийж байна.
Яаралтай тусламжийн тасаг бүтэн жилийн турш амралтгүй ажилладаг. Бусад тасгийн эмч нар зөвхөн нэг салбарт эмчилгээ хийдэг бол яаралтай тусламжийн тасаг нь анагаахын шинжлэх ухааны бүх салбарыг хамарсан эмчилгээ хийдэг онцлогтой.

Тасаг цусан дахь хүчилтөрөгчийн хяналтын аппарат, хиймэл амьсгалын аппарат, зүрхний бичлэгийн хяналтын аппаратаар бүрэн хангагдсан тул яаралтай тусламж үйлчилгээг хурдан шуурхай үзүүлж байна.